-->
KARIBU MALUNDE1 BLOG -Fahari ya Shinyanga,TANGAZA NASI KWA BEI NAFUU,TUPE HABARI,USHAURI N.K ,WASILIANA NASI KWA Email- Malundekadama@ yahoo.com
Piga Simu/ WhatsApp namba +255 688 405 951

25 October 2014

0 VURUGU UWANJA WA KAMBARAGE-KOCHA WA YANGA NA WACHEZAJI WAPIGANA MAKONDE NA MASHABIKI WA STAND UNITED

Kumetoa vurugu ya aina yake jioni ya leo wakati wa mchezo wa ligi Vodacom 2014/2015 kati ya timu ya Yanga na Stand United katika uwanja wa CCM Kambarage mjini Shinyangawakati wa Mapumziko baada ya dakika  45 za mwanzo kuisha huku Yanga ikiongoza kwa bao moja.

Vurugu zimenza baada ya wachezaji wa Yanga wakiongozwa na kocha wao Marxio Maximo kupanda jukwaa kuu wakidai kuwa vyumba vya kubadilishia nguo vilivyoko uwanjani ni vichafu wakihitaji kutumia vyumba vilivyoko jukwaa kuu , kitendo ambacho kilipingwa na mashabikiwa Stand united na kuanza kuwarushia chupa za maji na kuwazomea. 

Hapo ndipo vurugu zikaanza,wachezaji wa Yanga kukabiliana na mashabiki wa Stand United.Hali hiyo ilisababisha Kocha wa Yanga Maximo kuingilia kati huku naye akinusurika kuchapwa makonde na mashabiki ,naye akalazimika kukabiliana nao huku wakimrushia chupa za maji.

Pichani ni wachezaji wa Yanga wakiwa jukwaani na kocha wao.
Wachezaji hao walisikika wakisema vyumba vilivyopo uwanjani hapo ni vichafu-picha na Kadama Malunde-Malunde1 blog

 Vuta ni kuvute iliendelea jukwaani na baadaye askari polisi waliingilia kati na kutuliza vurugu hizo na mchezo ukaendelea kwa dakika 45 zilizosalia
-picha na Kadama Malunde-Malunde1 blog
Wabunge wa Shinyanga wakiwasihi wakazi wa Shinyanga kuacha kufanya fujo na kuwashauri wachezaji wa Yanga washuke jukwaani
-picha na Kadama Malunde-Malunde1 blog

 Askari polisi wakiwadhibiti mashabiki wa Stand United waliokerwa na kitendo cha wachezaji wa Yanga kung'ang'ania jukwaa kuu wakati vyumba vya kubadilishia vipo.Wachezaji hao walisikika wakisema vyumba vilivyopo uwanjani hapo ni vichafu
-picha na Kadama Malunde-Malunde1 blog
Wachezaji Yanga wakikabiliana na mashabiki wa Stand United,katikati ya nguzo mbili yupo kocha wa Yanga Maximo
-picha na Kadama Malunde-Malunde1 blog

Waandishi wa habari wakichukua matukio,wakati Wachezaji wa Yanga wakirudi uwanjani baada ya kutoka jukwaa kuu
-picha na Kadama Malunde-Malunde1 blog

Askari polisi wakifanya yao uwanjani wakati wa vurugu hizo,ambao walifanikiwa kuzima vurugu hizo
-picha na Kadama Malunde-Malunde1 blog
 
Kulia ni kocha wa Yanga Maximo wakati wa kipindi cha kwanza cha mchezo,kabla ya vurugu,Katika kipindi cha kwanza Yanga walipata bao moja,na kipindi cha pili wakapata mabao mawili huku Stand united wakiwa na 0-picha na Kadama Malunde-Malunde1 blog

0 ANGALIA PICHA MATUKIO LEO UWANJA WA CCM KAMBARAGE MCHEZO YANGA NA STAND UNITED

 Mashabiki wa Stand united wakiingia uwanjani wakiwa wamepanda juu ya Katapila-Picha na Kadama Malunde-Malunde1 blog
BOFYA HAPA KUONA PICHA NYINGI ZAIDI  

0 YANGA YAICHAPA STAND UNITED BAO 3-0,BILA HURUMA LEO MJINI SHINYANGA



Mchezo wa ligi kuu ya Vodacom kati ya Stand United na Yanga uliokuwa unafanyika katika uwanja wa CCM Kambarage mjini Shinyanga umemalizika huku Yanga ikiichapa Stand Fc bao 3-0.Pichani ni mashabiki wa Yanga wakishangilia baada ya kuwachapa wenyeji Stand United Tatu bila.
Jaja ameipatia Yanga bao la kwanza dakika ya 13,huku Jery Tegete akiongeza bao la pili dakika ya 79 na baadaye dakika ya 90 Tegete akaongeza bao la tatu.-Picha na Kadama Malunde-Malunde1 blog

Wapenzi wa mpira wa miguu wakiwa katika uwanja wa Kambarage leo kushuhudia mchezo kati ya Stand United na Yanga-Picha na Kadama Malunde-Malunde1 blog
 Mashabiki wa Stand United uwanjani-Picha na Kadama Malunde-Malunde1 blog
 Mchezo unaendelea-Picha na Kadama Malunde-Malunde1 blog

 Dawati la ufundi timu ya Yanga-Picha na Kadama Malunde-Malunde1 blog

Kikosi cha Stand United leo
 Kikosi cha Yanga leo-Picha na Kadama Malunde-Malunde1 blog
 Mashabiki wa Stand united wakiingia uwanjani wakiwa wamepanda juu ya Katapila-Picha na Kadama Malunde-Malunde1 blog
 Mashabiki wa Yanga uwanjani-Picha na Kadama Malunde-Malunde1 blog




0 KAMERA ZETU SAA CHACHE KABLA YA MCHEZO KATI YA YANGA VS STAND UNITED LEO MJINI SHINYANGA


 Saa chache tu zimebaki kuanza kwa  mchezo wa ligi kuu ya Vodacom 2014/2015 kati ya Stand United na Young Africans utakaochezwa leo jioni Jumamosi katika uwanja wa CCM Kambarage mjini Shinyanga.Pichani ni Washabiki wa Timu ya Stand United wakiwa wamepanda kwenye Katapila mjini Shinyanga ,likiendeshwa na Mbunge wa Kishapu Suleiman Nchambi-Picha na Samwel Mwanga-Malunde1 blog


Malunde1 blog itakuwa uwanjani kukuletea matukio yote yatakayojiri 

0 WARAKA MZITO KWA LUNDENGA JUU YA MISS TZ 2014 SITTI ALIYEZUA KIZAA ZAA

Mkurugenzi wa Lino Agency ambao ni waandaaji wa Miss Tanzania, Hashimu Lundenga. akifafanua 

Kwako, Hashim Lundenga.
Ni matumaini yangu kwamba hunifahamu licha ya kwamba majina yetu yanashabihiana. Najua jinsi jasho linavyoendelea kukutoka kutokana na changamoto kubwa unazokutana nazo, tangu ulipomtangaza Sitti Mtemvu kuwa Miss wa Tanzania 2014.
 
Mimi si Mkurugenzi wa Lino International Agency, kampuni inayoendesha mashindano ya Miss Tanzania kwa mwaka wa 18 sasa mfululizo. Mimi sijawahi kwenda Wizara ya Elimu na Utamaduni (kipindi hicho) kuomba kibali cha kuyaanzisha tena mashindano ya Miss Tanzania baada ya kuwa yamepigwa marufuku kwa zaidi ya miaka 24 (yalipigwa marufuku mwaka 1968 kutokana na sababu za kimaadili).
 
Sikushirikiana na Prashant Patel kumtafuta mkurugenzi wa utamaduni kipindi hicho, Baya Senkemwa na kumuomba ‘chondechonde’, aangalie kama kuna namna tunayoweza kuruhusiwa kuirudisha Miss Tanzania.
 
Mimi ni mlalahoi tu ambaye sina ubavu wa kufanya kama wewe uliyoyafanya.
 
 Nakuhakikishia, tangu kipindi hicho, mimi nisingekuwa na ubavu wa kuendelea kusimamia mashindano hayo na kutoa warembo kedekede kwa zaidi ya miaka 18 kama wewe, ningeanzia wapi?
 
Hata hivyo, hayo yote hayanizuii kukufikishia ujumbe wangu kwako, anko wahenga wanasema, nguo ikimvuka muungwana huchutama.
 
 Jahazi la Miss Tanzania linazama anko, ng’atuka ili uendelee kutunza heshima yako.
 
Kwa uzoefu na uelewa wako, najua unajua fika kwamba mwaka huu ‘umebugi’ kumtangaza Sitti Mtemvu kuwa Miss Tanzania. Sijui kama ni urafiki wa kawaida kati yako na baba yake, mheshimiwa Abbas Mtemvu uliokusukuma kumpa ushindi au ni vigezo alivyokuwa navyo msichana huyo, sitaki kuzungumzia huko, ishu kubwa hapa ni suala la umri.
 
Yawezekana awali hukujua kama umeingizwa chaka na Sitti kwa kukuletea cheti chenye utata kuhusu umri wake halisi. Huenda wewe na kamati yako mlijiridhisha kwamba kweli Sitti alizaliwa mwaka 1991. Katika hili mnaweza kusamehewa kwamba ‘huenda’ hamkuujua ukweli mapema.
 
Hata hivyo, kama kweli mliingizwa chaka, iweje hata uthibitisho mwingine ulipopatikana wa hati ya kusafiria ya Sitti yenye namba AB201696 kuonesha kwamba mrembo huyo alizaliwa Mei 31, 1989 na siyo 1991 kama alivyowaaminisha, kwa nini mnaendelea kuwa wagumu na kushikilia msimamo wa awali?
 
Hapa naanza kupata shaka Lundenga, nilitegemea kwamba kwa sababu umepata uzoefu wa kutosha wa kuongoza Miss Tanzania kwa miaka 18, ungeweza kung’amua haraka kwamba kelele anazopigiwa Sitti kuhusu kudanganya umri zina hoja ndani yake.
 
Badala ya kuendelea kutetea ubatili wa Sitti, ungesimamia kwenye ukweli na kuwaeleza Watanzania kwamba mlighafirika na kumpa ushindi mtu asiyefaa kwa sababu aliwadanganya. 
 
Badala yake, umeendelea kumtetea huku ukishindwa hata kugundua kwamba kujikanyaga kwa mrembo huyo wakati akihojiwa na waandishi wa habari, ilikuwa ni kwa sababu kuna jambo analificha.
 
Hapana Lundenga, hapa umechemka na kwa kuwa unaendelea kutetea uovu, unazidi kutupa shaka zaidi. Nikwambie tu, inaonekana unafahamu kila kitu kuhusu mchezo unaoendelea na hiyo pekee inatosha kukuondolea sifa za kuwa hapo ulipo.
 
Kwa bahati mbaya mimi nitabaki kuwa mimi na sitaweza kuwa wewe lakini kama ningekuwa mimi kwenye nafasi yako, kwa hili la Miss Tanzania 2014, narudia tena kusema bila kumung’unya maneno kwamba ningeng’atuka na kuwaachia wengine wenye uwezo zaidi yangu waongoze Miss Tanzania.

0 BABA ABAKA MTOTO WAKE WA MIAKA 12 NA KUMPA MIMBA,NI BAADA YA MKEWE KUUGUA SHINYANGA


Mwanamme aitwaye Oswald Charles (40) mkazi wa mtaa wa Songambele kata ya Kitangiri mjini Shinyanga kwa anashikiliwa na jeshi la polisi mkoani Shinyanga kwa tuhuma  ya  kumbaka na kumsababishia ujauzito mtoto wake wa kambo mwenye umri wa miaka 12 (jina limehifadhiwa) ambaye mama yake ni mlemavu.

Mtuhumiwa  huyo anadaiwa kuanza kumbaka mtoto huyo tangu akiwa umri wa miaka 10 akisoma darasa la nne na hivi sasa yupo darasa la sita ambapo alipombaka kwa mara ya kwanza alimtishia kumchoma kisu iwapo angepiga kelele.

Akizungumza na waandishi wa habari nyumbani kwake juzi kwa majonzi makubwa mama mzazi wa mtoto aliyebakwa, (33) alisema alianza kutilia shaka nyendo za mumewe kutokana na jinsi zilivyokuwa zikibadilika kila mara kuhusiana na malezi ya mtoto wake huyo.
Mama huyo alisema mashaka yalizidi pale mumeme alivyokithiri kumwonea  wivu  mwanaye kila alipokosekana nyumbani.

Mama huyo ambaye ni mlemavu aliyepooza baadhi ya viungo vyake ikiwemo macho kutokuona vizuri alisema tabia ya mumewe ilibadilika mara baada ya yeye kupatwa na maradhi aliyonayo hivi sasa na kulazimika kwenda kutibiwa kwa waganga.
Kutokana na maradhi yake, mwanaye huyo alilazimika kwenda nyumbani kwake kuishi na wadogo zake wawili ili aweze kuwahudumia kwani hapo awali.

“Tumeoana na mme huyu, mwaka 2006 baada ya kuachana na mume wangu wa kwanza niliyezaa naye watoto wawili akiwemo huyu wa kike, baada ya kuoana tumeishi vizuri na tukapata watoto wawili wa kiume, hatukuwa na tatizo mpaka pale binti yangu alipokuja kuishi hapa nyumbani nilipopata matatizo ya ugonjwa”,alieleza Mama huyo.

“Nilianza kufuatilia nyendo zake alipoanzisha tabia ya kuamka nyakati za usiku na kutoka nje na kila nikimuuliza kulikoni,anasema anafuatilia kuona nje kuna kitu gani, na hukaa huko kwa masaa kadhaa, siku moja nilikuta amesimama kwenye mlango wa binti yangu nikamuuliza kulikoni akawa mkali,” aliongeza.

Alisema  tabia ya mumewe kutoka nje usiku iliendelea na hivi karibuni aliamua kufuatilia nyendo zake na kufanikiwa kumkuta chumbani kwa binti yake akiwa amekaa kitandani na kushtushwa na hali hiyo na alipoanza kuhoji mumewe alikuwa mkali na alitishia kumpiga.

Hata hivyo alisema kulipopambazuka alianza kumhoji binti yake kwa nini baba yake aliingia chumbani kwake usiku,binti akasema baba yake alikuwa akimlazimisha kufanya naye tendo la ndoa kwa nguvu japokuwa alidai kuwa hakufanya naye jambo lolote.

“Kwa kweli nilisikitika sana kwa kitendo hicho niliamua kumweleza kaka yangu hali halisi ilivyo, lakini nilishangaa wakati namwelezea ghafla mume wangu alituvamia na kuanza kunishambulia kwa kipigo mpaka nikapoteza fahamu, na hivyo majirani walifika na kunisaidia na walipoelezwa mkasa mzima walimkamata na kumpeleka polisi,”  alieleza.

Aliendelea kueleza baada ya mtuhumiwa kupelekwa polisi majirani walimchukua binti yake na kumpeleka hospitali alikopatiwa fomu namba tatu na alipopimwa ilibainika kuwa na ujauzito wa wiki saba na siku tano na kwamba taarifa ya daktari ilieleza huko nyuma aliwahi kufanyiwa vitendo vya ukatili wa kijinsia na unajisi kwa mtoto.

Jeshi la Polisi limethibitisha kutokea kwa tukio hilo na kwamba mtuhumiwa huyo anatarajiwa kufikishwa mahakamani kujibu shtaka la ubakaji baada ya kukamilika kwa upelelezi wa kina. 

Na Kadama Malunde-Shinyanga

0 Utamaduni Lake Zone_ HII HAPA SIMULIZI YA KUTISHA KUHUSU "GAMBOSHI"-SEHEMU YA 5


0 MAGAZETI YOTE YA LEO JUMAMOSI OKTOBA 25,2014

.

24 October 2014

0 KIZAA ZAA MKUTANO WA CHADEMA HUKO GEITA-DEREVA WA HALIMA MDEE AKAMATWA KWA KUBEBA WAVAMIZI WA MKUTANO

 
Dereva wa gari la mwenyekiti wa baraza la wanawake Chadema taifa  ambaye ni mbunge wa Kawe Halima Mdee amekamatwa na kushikiliwa na jeshi la polisi kwa muda wa saa moja kisha kumuachia  wilayani  Geita mkoani Geita .

Tukio hilo limetokea leo asubuhi majira ya saa 3  mara baada ya dEreva huyo Joseph James anayeendesha gari lenye namba T374 BKE alipokuwa anatoa gari kwenye hotel ya Alfa walipofikia ili aende kuifanyia matengenezo madogo mamadogo kabla ya kuelekea Busanda kwenye mkutano.

Mwandishi wa Malunde1 blog Valence Robert anaripoti kuwa dereva huyo baada ya kutoka alikuta polisi wapo nje na walipomuona walimwamuru waende naye polisi kutokana na kile kilichodaiwa kuwa gari hilo lilitumika jana kukamata watuhumiwa waliokuwa kwenye mkutano wa hadhara mjini Geita waliokuwa wanarekodi kilichokuwa kinajiri katika mkutano huo na kuwanyang’anya kinasa sauti(tape recorder)

Akizungumza na waandishi wa habari baada ya kumtoa dereva polisi,Naibu katibu mkuu wa Bawacha taifa Kunti Yusuph amesema jana wakati wanafanya mkutano katika Viwanja vya Stand ya zamani mjini Geita  watu wawili waliokuwepo mkutano walikamatwa na Red Brigade baada ya kuwabaini kuwa wanarekodi mkutano kisiri.
Amesema mbali na kurekodi kilichokuwa kinaendelea pia wengine walijifanya kuwa ni wananchama wa Chadema.

Aliongeza kuwa baada ya kuwashtukia watu hao ambao mmoja ni wa kike  na mwingine wa kiume waliwakamata na kuwapeleka kituo cha polisi wakiwa na tape recoder mbili pamoja na simu mbili.
  
 Anasema walipowafikisha polisi walirudi mkutanoni na kwamba watarudi polisi baada ya kumaliza mkutano.

Baada ya kwenda polisi walikuta watuhumiwa wao wameachiwa.

Mmoja wa watu hao alikuwa na kadi ya Chadema yenye namba 2155260 iliyotolewa tarehe 3.10.2014 kwa jina la Erenest J.Silayo anayedaiwa kuwa ni askari polisi.

Mkuu wa polisi wilayani Geita Silvester Ibrahimu alipoulizwa juu ya suala hilo alisema kuwa dreva huyo alikamatwa na kukamatwa ni jambo la kwaida lakini hakueleza sababu ya kukamatwa kwake.
Hata hivyo alikiri kuwa wale walikuwa watu wao waliwatuma kufanya kazi.
Na Valence Robert-Malunde1 blog Geita

0 JE UMECHEKA LEO? KAMA "HAPANA",ANGALIA PICHA HIZI UCHEKE SANAAA JIONI HII



0 MAENEO MAPYA YA UCHAGUZI SERIKALI ZA MITAA 2014 MANISPAA YA SHINYANGA YATANGAZWA

Aliyeshikilia kipaza sauti ni mkurugenzi wa manispaa ya Shinyanga Festo Kang'ombe akitoa taarifa juu ya uchaguzi wa serikali za mitaa katika kikao baraza la madiwani wa manispaa hiyo kilichofanyika leo katika ukumbi wa ofisi ya mkuu wa mkoa wa Shinyanga leo.Kulia kwake ni naibu mstahiki meya wa manispaa ya Shinyanga David Nkulila aliyekuwa mwenyekiti wa kikao hicho(madiwani hawako pichani)-Picha na Kadama Malunde-Malunde1 blog

Akitangaza maeneo mapya ya uchaguzi wa serikali za mitaa mwaka huu katika manispaa ya Shinyanga,mkurugenzi wa manispaa hiyo Festo Kang’ombe amesema tayari kanuni za uchaguzi huo zimeshatoka na kilichobaki katika manispaa hiyo ni kupokea vifaa kwa ajili ya uchaguzi huo unaotarajia kufanyika tarehe 14,Desemba mwaka huu.

Kang’ombe amesema uchaguzi utafanyika katika kata 17 ukihusishwa mitaa 55 badala ya 25 ya chaguzi zilizopita,pia sasa tuna vijiji 19 badala ya 17 vya zamani na vitongoji 85.

“Leo nimetoa tangazo kuhusu  maeneo mapya ya uchaguzi wa serikali za mitaa mwaka huu,matangazo yapo katika ofisi za kata na manispaa ya Shinyanga,vijiji vilivyofutika ni viwili”.


0 JWTZ>>"MSANII DIAMOND HAKUWA NA RUHUSA YA KUVAA SARE ZETU"

 jwtz
JESHI la Wananchi wa Tanzania (JWTZ), limesema kuwa mwanamuziki wa kizazi kipya, Nassib Abdul maarufu ‘Diamond Platinumz’, aliyetinga na sare za jeshi jukwaani kwenye tamasha la Fiesta, hakuwa na kibali cha kuvaa nguo hizo.

Jeshi hilo ambalo bado linaendelea na uchunguzi, limesema kwa kawaida JWTZ haiwezi kutoa nguo au vifaa vyake kwa ajili ya maonesho ya wanamuziki au shughuli nyingine yoyote zaidi ya matumizi ya jeshi.

Kauli hiyo ilitolewa jana na Ofisa Mnadhimu wa Mkoa wa Polisi Kinondoni, Mrakibu Mwandamizi (SSP), Boniventure Mushongi.

Alisema hakuna kibali kinachotolewa na jeshi lolote kwa nguo au vifaa vyake kutumika na watu wasio wanajeshi.

“Jeshi haliwezi kutoa kibali cha nguo zake kutumika jukwaani, hata hao wasanii wanaoonekana kuvaa nguo za jeshi majukwaani wanakiuka sheria,” alisema SSP Mushongi.

Hata hivyo, alipoulizwa kwa nini jeshi la Polisi lilishindwa kuchukua hatua siku ya tukio, SSP Mushongi alisema kwa hali ilivyokuwa, isingekuwa rahisi kufanya hivyo na huenda zingetokea fujo.
“Jeshi la Polisi linafanya kazi kwa weledi. Lingeweza kumchukulia hatua siku ile ile aliyopanda jukwaani na mavazi yale, ila haikuona madhara kwa wakati huo shughuli zinaendelea.. endapo hali ile ingetokea mikoani huko, msanii huyo angechukuliwa hatua hapo hapo,” alisema.
SSP Mushongi, aliongeza kuwa hatua ya wasanii nchini kupenda kuvaa mavazi ya majeshi ni ukiukwaji wa sheria na elimu zaidi inahitajika.

Hata hivyo, habari zaidi zinasema wanenguaji wa mwanamuziki huyo, wamekamatwa na kuhojiwa na Polisi wa kituo hicho cha Oysterbay, kwa tuhuma za kuvaa sare za JWTZ.

Wengine walioshikiliwa ni pamoja na meneja wake Hamis Taletale ‘Babu Tale’ ambaye ameshaachiwa baada ya kuhojiwa.

Hata hivyo, awali vyanzo mbalimbali vya habari vilivyoifikia Tanzania Daima, vilieleza kuwa, Babu Tale alijisalimisha Polisi Oysterbay juzi majira ya jioni na baada ya kuhojiwa, aliswekwa mahabusu. Babu Tale alipoulizwa alipo Diamond, alisema amesafiri nje ya nchi mara baada ya onyesho la Fiesta.

Hata hivyo, Kamanda wa Polisi wa Mkoa wa Kinondoni, Kamishna Msaidizi (ACP), Camillus Wambura, alisema bado hajapata taarifa ya kukamatwa kwa meneja huyo pamoja na wanenguaji hao, kwani shauri hilo l ipo kwenye uchunguzi chini ya Mkuu wa Upelelezi wa Mkoa.

via>>Tanzania Daima

0 RAIS KIKWETE ADAI ANATAMANI MUDA WAKE WA URAIS UISHE

0 KURASA ZA MBELE NA NYUMA MAGAZETI YA LEO IJUMAA OKTOBA 24,2014

1_4e379.jpg

23 October 2014

0 Breaking News!!! KIWANDA CHA MAGODORO KILICHOPO BARABARA KUU YA MWANZA-SHINYANGA CHAUNGUA MOTO

Habari zilizokifikia chumba cha habari cha Malunde1 blog hivi punde ni kwamba Kiwanda cha magodoro cha Vitanda Manufacturing cha Mwanza kilichopo eneo la Mkuyuni kando ya barabara kuu ya Mwanza Shinyanga kimeungua na kuteketea kwa moto.

Moto huo ambao unadai kuzuka majira ya saa 1: 46 usiku huu unadaiwa kuanzia katika ghala na kisha kushika matika ya yaliyokuwa na Tindikali.


Inalezwa kuwa moto huo umeteketeza sehemu ya ghala hilo na jitihada za kuuzima zinaendelea usiku huu.
Mpaka majira ya saa 8:55 hali ilikuwa mbaya kutokana na kuwasili kwa gari moja la zimamoto ambalo lilionekana kuzidiwa nguvu na moto huo kutokana na kuwa na uwezo mdogo.

<<BONYEZA MANENO HAYA KUANGALIA PICHA KIWANDA KIKIUNGUA MOTO>>

0 NIMEIKUTA MAHALI-ANGALIA NA WEWE MTU WANGU

0 Kimenuka!! MAKAHABA NA WATEJA WAO WAPEWA "MASAA 48" KUSITISHA BIASHARA HIYO



Katibu wa maendeleo ya jamii katika jiji la Abuja Nigeria, ametangaza ‘kiama’ kwa wanawake wanaofanya ‘biashara ya kujiuza’ pamoja na wateja wao.
Taarifa iliyochapishwa na Today Internet Newspaper imesema, katibu mkuu huyo Blessing Unoh amesema serikali imetoa amri ya kusitisha biashara hiyo ndani ya saa 48, kwa yeyote atakayekiuka hatua kali za kisheria zitachukuliwa dhidi yake.
Amri hiyo imetolewa saa chache baada ya katibu mkuu huyo kutembelea maeneo mbali mbali ambayo yamebobea kwa biashara hiyo ambapo amejionea hali halisi iliyopo.
Aidha amesema kwa yeyote atakeyekiuka amri hiyo na kukutwa na hatia ya kutenda kosa hilo awe tayari kukabiliana na hukumu ya kifo.
 

KUHUSU MKURUGENZI WA MTANDAO HUU

WASILIANA NASI

KAMA UNA TANGAZO,HABARI AU LOLOTE LILE WASILIANA NA MALUNDE KWA SIMU 0688-405951,WhatsApp +255 688 405 951

UNGANA NA KADAMA MALUNDE KWA NJIA HIZI

Kuwa wa kwanza kupata habari zetu Ungana nasi sasa Hujachelewa Bonyeza hapo juu, au Sajili email yako hapo chini.

PAKUA MUZIKI HAPA

MALUNDE Copyright © 2014- All Rights Reserved
Powered by: KadamaMalunde 0688405951 | Sponsored by: MALUNDE